%20en%20Threads3.png){kind=small}
O Concello da Coruña e o Xacobeo colaboran para conseguir que a
artista presente o seu novo disco no Coliseum da Coruña
A Coruña, 18 de abril de 2022.- A artista Rosalía confirmou hoxe que A Coruña será
unha das paradas da súa xira mundial para a presentación do seu último traballo
‘Motomami’.
O concerto na Coruña celebrarase no Coliseum o 29 de xullo grazas ao patrocinio
conxunto do Concello, a través do Consorcio de Turismo, e da Xunta, a través do
Xacobeo. Será a única parada galega da xira mundial de presentación do seu novo
disco.
Este concerto enmárcase na aposta do Concello da Coruña de situar á cidade no
circuíto das mellores xiras internacionais e no seu compromiso por recuperar a
celebración de grandes eventos culturais na cidade.
O concerto encádrase no marco da programación do Xacobeo 21-22, polo que conta
co cofinanciamento da Xunta de Galicia co obxectivo de promover a celebración deste
Ano Santo excepcional. De feito, neste ano o Goberno galego está a apostar pola
celebración de eventos musicais multitudinarios que permitan situar a Galicia no
imaxinario colectivo, especialmente no ámbito internacional, promocionando o Camiño
e Galicia entre peregrinos e visitantes.
A artista catalá é na actualidade unha das cantantes españolas máis premiadas e
recoñecidas do mundo e o seu novo disco ‘Motomami’ xa bateu récords con 5,79
millóns de streams nas primeiras 24 horas do seu lanzamento.
