%20en%20Threads3.png){kind=small}
O concerto da cantareira, que destaca polo seu carisma, valente discurso e
forza, celebrarase o vindeiro domingo 12 a partir das 19.00 horas e as entradas
xa están á venda a través da plataforma Ataquilla.com
A Coruña, 25 de novembro de 2021.- Sés presentará o seu último traballo, Liberar as
arterias, o domingo 12 de decembro no Pazo da Ópera. A cantautora desembarcará no recinto
coruñés para dar a coñecer os temas do seu sétimo traballo discográfico, un álbum no que a
loita e a reacción fían un relato ateigado de verdade, aprendizaxe e empoderamento, e do que
destacan temas como Espiña sen rosa ou propio Liberar as arterias. Durante o concerto, cuxas
entradas xa están á venda na plataforma Ataquilla.com, a cantareira tamén ofrecerá unha
pequena escolma dalgúns éxitos de anteriores discos.
Liberar as arterias é un traballo coidado, crú e directo no que Sés potencia a súa valente
mensaxe, e no que, musicalmente, segue a evolucionar co seu particular son. A cantautora e
produtora conta cun definido estilo propio, resultante dunha mestura na que conflúen, coas
doses exactas, os ingredientes que acadan un resultado orixinal e xenuíno: rock’n roll, tradición
oral e certa cadencia da canción de autor latinoamericana. Unha combinación na que tamén
atopan o seu espazo a súa alma de cantareira e a súa actitude punk como unha irreverrencia
lúcida e solidamente argumentada.
María Xosé Silvar, Sés, é unha das grandes referentes do panorama musical galego, dunha
consolidad traxectoria discográfica e recoñecida tanto no país coma noutros territorios. Dela
salienta o seu carisma e a súa forza persoal, que acompaña dun discurso sincero, novidoso,
valente e contundente, no que interpela directamente ao público, con quen mantén unha
constante interlocución. A súa obra, que ten como eixe a elocuencia e a defensa da cultura, da
diversidade e dos dereitos dos pobos, sitúan á cantareira como altofalante certeiro que
defende as causas e ideais que Sés acredita como xustas e necesarias.
