A Deputación financia a través do Plan Único a instalación dun colector de pluviais entre as rúas Camiño do Cementerio, avda. de Sada e avda. do Puerto, en Sada

 

Esta actuación, que conta cun orzamento de 225.000 euros, pretende solucionar os problemas que ocasiona neste punto un colector unitario

A Coruña, 04 de novembro de 2020. 

A Deputación da Coruña financiará, a través do Plan Único, un proxecto para a instalación dun colector de pluviais entre as rúas Camiño do Cementerio, avenida e Sada e avenida do Puerto, no Concello de Sada.

A actuación, que conta cun orzamento de 225.36776 euros, permitirá solucionar os problemas que ocasiona a actual distribución da rede de tubaxes neste punto. Na rúa Camiño do Cementerio existe actualmente un colector de augas pluviais que, nun determinado pozo da vía, conéctase á rede de fecais transformándose así nun colector unitario.

As obras a realizar son colocación dun colector para transporte de augas pluviais desde o pozo onde agora se unen os colectores de pluviais e fecais na rúa Camiño do Cementerio para ter unha rede separativa. Tamén se inclúen no proxecto dous colectores, un por cada marxe, na avenida de Sada ata a parte máis próxima á zona portuaria, onde se unirán a outro de maior diámetro ata alcanzar o do porto.

Os traballos consistirán na demolición do pavimento existente, a colocación da tubaxe de PVC e a posterior reposición do firme afectado. Tamén se realizarán pozos de rexistro así como de sumidoiros para recoller as augas de escorrentía superficial.