%20en%20Threads3.png){kind=small}
A institución provincial ponse a disposición da Xunta de Galicia e o
Goberno do Estado para actuar coordinar a acción das institucións na
contención do COVID-19
A Coruña, 12 de marzo de 2020. A Deputación da Coruña xa está a aplicar as
medidas recomendadas polas autoridades sanitarias galegas e estatais para a
prevención do coronavirus en centros de traballo.
O Goberno provincial reuniou hoxe con carácter extraordinario á Xunta de
Portavoces, na que participan representantes de todos os grupos políticos da
corporación provincial, para dar conta da situación actual e informar da
constitución unha comisión técnica que se encargará de implantar as distintas
medidas recomendadas con motivo do COVID-19.
A comisión técnica será a encargada de facer o seguemento e implantar os
protocolos e medidas de prevención e contención recomendadas polas
autoridades nacionais e autonómicas de saúde pública.
Desde o goberno da Deputación da Coruña analizarase a evolución da
situación e aplicaranse as medidas preventivas e para paliar os efectos da
situación en función da situación que se vaia producindo para garantir a
seguridade dos traballadores e traballadoras dos distintos centros de traballo
dependentes da institución provincial.
Seguindo as instruccións da Xunta de Galicia, a Deputación pechará a partir do
luns os seus centros educativos: o IES Puga Ramón e o IES Calvo Sotelo,
ambos na cidade da Coruña.
Asemade, estase traballando para garantir que parte do persoal da institución
provincial poda acceder ao teletraballo dende as súas casas.
O Goberno da Deputación vén de reducir a súa axenda pública, evitando todos
aqueles actos que non sexan imprescindibles. Asemade, anúlanse as viaxes de
traballo, a participación en feiras turísticas e os cursos e actividades formativas,
entre outras actividades.
A Deputación da Coruña seguirá puntualmente as recomendacións das
organizacións sanitarias que dirixen a crise e ponse á disposición da Xunta e o
Estado para a coordinación entre as institucións para frear a expansión do
coronavirus.
