%20en%20Threads3.png){kind=small}
As solicitudes poderanse presentar do 8 de xaneiro ao 16 de febreiro.
Ofértanse 8 prazas de bebés, 21 prazas para nenos e nenas de 1 ano e 25 prazas para 2 anos.
07.01.2020. Afundación, a Obra Social de ABANCA, abrirá desde mañá, 8 de xaneiro, e ata o 16 de febreiro, o prazo de admisión de alumnado para o curso escolar 2020-2021 na súa Escola Infantil Afundación Zalaeta na Coruña (rúa Sol, 18). Nesta ocasión, o número de prazas efectivas ofertadas son: 8 para bebés, 21 de 1 ano e 25 prazas de 2 anos. Os impresos necesarios para formalizar a solicitude poden recollerse de xeito presencial no propio centro, en horario de 9.00 a 13.00 h e de 15.00 a 17.00 h, ou a través da web Afundacion.org.
Dedicada á aprendizaxe en valores dos máis pequenos desde outubro de 1977, a Escola Infantil Zalaeta Afundación pon á disposición dos nenos e nenas e das familias un equipo especializado e altamente cualificado para a formación nas primeiras idades. Cunha disposición horaria de 7.45 a 17.30 h, ofrece aulas adaptadas ás diferentes etapas dos nenos e nenas cun material específico que promove o desenvolvemento das súas capacidades creativas e psicomotrices conforme aos diferentes momentos do crecemento, patios de recreo interiores e exteriores, comedor propio, un servizo de merenda, un servizo de madrugadores para aquelas familias que entran a traballar antes das 9:00 h ―horario oficial de apertura―, un servizo de pediatría e outro de psicoloxía.
Os programas educativos organízanse en áreas que corresponden aos ámbitos propios da experiencia e do desenvolvemento infantil, que se abordan por medio de actividades con interese e significado para os nenos e nenas e que lles axuden, ademais, no desenvolvemento da súa psicomotricidade, das súas emocións, do seu coñecemento e da súa sociabilidade. Cada actividade concreta vai dirixida á satisfacción persoal do pequeno e á educación en valores, de tal xeito que incida na súa propia imaxe positiva e lle achegue un conxunto de experiencias favorables que complementen as vividas no eido familiar.
